HAI QUEN DI QUE O MARISCO É CARO

sábado, setembro 15, 2018

Hai 7 días andabamos polas Terras de Cedeira desfrutando da costa máis indómita de Galicia. O emblema da nosa marcha son dous percebes sendeiristas, pois andamos a mesma costa que habita o prezado manxar... iso si, nós sempre por camiños cunha certa seguridade. Por iso cando esta semana vimos este vídeo que resume unha actuación de rescate do servizo de Salvamento Marítimo para recuperar a un percebeiro mancado na súa "oficina", no seu lugar de traballo ao Norte de Punta Candeeira, non poidemos por menos que pensar 1) no fermosa que é a nosa costa; 2) no respecto que hai que terlle ao mar; 3) no barato que é o marisco para o que custa traballalo; e 4) na confianza que dá contar con servizos públicos como Salvamento Marítimo Un aplauso e unha aperta!



  • Comparte a entrada en

0 comentarios